Անչափ արագ պատրաստվող անմшհական ռուլետ․ փորձեք և կհամոզվեք

Խոհանոց Հետաքրքիր

Առաջարկում ենք պատրաստել այս շոկոլադե ռուլետը։ Այս բաղադրատոմսով այն անչափ համեղ է ստացվում։ Պատրաստվում է չափազանց արագ և նույնպիսի արագությամբ էլ վերջանում է։

Այն պատրաստելու համար ձեզ անհրաժեշտ կլինի՝ խմորի համար՝

  • հավկիթ  4 հ.,
  • շաքարավազ  150 գ,
  • փխրեցուցիչ  1 թ. գ.,
  • ալյուր  150 գ.,
  • կակաո  30գ:

Կրեմ՝

  • սերուցքային կարագ  100 գ,
  • եփած խտացրած կաթ  350 գ,
  • կաթնաշոռային պանիր  220 գ,
  • կակաո 1-2 թ.գ.,
  • կոնֆետ սնիկերս 30 գ:

Պատրաստման եղանակը`

Հավկիթը շաքարավազի հետ հարել մինչև փրփրի։ Այն պետք է իր ծավալից մի քանի անգամ մեծանա։ Ավելացնել կակաո և  մաղով անցկացված ալյուրը։ Ալյուրին նախապես խառնել փխրեցուցիչ։ Գդալով լավ խառնել մինչ համասեռ զանգված ստանալը։ Յուղաթղթով նախապատրաստած ձևամանի մեջ լցնել խմորը, հարթեցնել և թխել 180 աստիճան տաքացված  ջեռոցում 10-12 րոպե։

Այնուհետև յուղաթղթի հետ միասին փաթաթել խոնավ սրբիչով և թողնել սառչի։ Այդ ընթացքում անհրաժեշտ է պատրաստել կրեմը։ Կրեմի համար նախատեսված բաղադրամասերը միախառնել և հարել։Բացել խմորը, առանձնացնել յուղաթղթից , պատել կրեմով և փաթաթել՝ տալով ռուլետի տեսք։ Եզրերը կտրել, հավասարեցնել , դնել մատուցվող ափսեի մեջ, պատել կրեմով և ձևավորել մանրացված սնիկերսի փշրանքներով։

Добавить комментарий

Ваш адрес email не будет опубликован. Обязательные поля помечены *